Mek unu so bare face and bright!
Di people dem cyah walk in piece?
All inna broad day light unu a come tief dem offa di streets?
Unu do all sorta foolishness fe tek weh people pickney-
Unu ole emotional vampire!
Wolves in sheep clothing unu disguise unu self as employa
Bout opportunities for employment!
Unu wicked nuh brute! Preying pan poor people jus to sodomize our youths!
No conscience unu nuh have! –
Wukkin dem out, prostituting dem out, selling us like we a jus another item pan a shop shelf
Wen u ago look inna dem eyes an see a reflection of yuhself? Eeh?
See say we a human like you! Have a home jus like you!
Who is you fi come modernize slavery an tek we against we will?
I not sure what worst- being raped, abused or being killed
Unu ole murderer! Vampire! Ole wicked brute
Who is you fe come traffic we youth!
But I leave the Child Development Agency to yuh!
A leave the Government to yuh!
A leave the Women’s rights to yuh!
A leave the Police dem to yuh!
A leave the tears and the screams of every mourning and weeping loved one to yuh!
A leave the wrath of God to yuh!
Carry dem back! Me say fe carry dem back!
Carry dem back and Stop!!!